قورئان داوای دەستورێکی لیبڕالی مەدەنی دەکات

تەمموز 27 بڵاوکراوەتەوە لەلایەن  خوێندراوەتەوە 840 جار
Rate this item
(0 votes)

لێکۆڵینەوەیەک لەقورئاندا كراوە و دەركەوتووە کە قورئان داوای دەستورێکی مەدەنیی دیموکراتی لیبڕالی تەعەدودیی حزبی دەکات،

 

لێکۆڵینەوەکە هەموو ئەوانەشی بەبەدواداچوونی ورد سەلماندوو، بەپشتبەستن بەخوێندنەوەی نوێ بۆ ئایەتەکانی قورئان.

 کتێبی (الدین و السلگە) ی (د. محمد شحرور)، خوێندنەویەکی وردە بۆ پەیوەندیی نێوان دین و دەسەڵات، لەمێژووی کۆن و نوێدا و بەوردی پەیوەندییەکە دیاریدەکات، خوێندنەوەی ئەو کتێبە زۆرگرنگە بۆ هەر کەسێک بیەوێت لەپەیوەندیی نێوان دین و دەسەڵات تێ‌بگات، بەتایبەت گرنگە بۆ ئەندامانی لیژنەی نوسینەوەی دەستوری هەرێم.

 دین و "ئازادیی هەڵبژاردن" ی مرۆڤ:

د. محمد شحرور، دەیسەلمێنێت کە دین تەنها پەیوەستە بەدەسەڵاتی زەمیری مرۆڤەوە، (لا إكراه فی الدین) و بۆ هیچ حکومەت و حیزب و مەجلیسێکی فەتوا نییە زۆرکاری لەدیندا بکات و ببێتە (پۆلیس، چاودێر، شوان)ی دینی خەڵک، یان بڕگەی دین بسەپێنێت بەسەر خەڵکدا. دەڵێت هەر کەس و لایەن و دەستورێک، کاری وا بکات؛ ئەوا دەستی وەرداوەتە وشەی خودا، وشەی خودای پێشێلکردووە، دەڵێت ئازادی وشەی خودایە لەسەر زەویدا، خودا لەسەر مومارەسەی ئازادانەی مرۆڤ لەدواڕۆژدا (پاداشت، سزا) دەدات.

 باسلەوەدەکات کە له‌ قورئاندا نوسراوە خودا پێویستیی به‌وه‌ نییه‌ به‌شێک له‌ به‌نده‌کانی بکات به‌شوان و چاودێر و پۆلیسی دین بۆ به‌شێکی تریان، به‌ڵگه‌‌شی ئه‌وه‌یه‌ که‌ له‌ قورئاندا نوسراوە که‌ خودا که‌لیمه‌یه‌کی وتوه‌، که‌ به‌(لولا كلمە سبقت من ربك) ناوی هاتووه‌، به‌هۆیه‌وه‌ خودا ڕێگه‌یداوە مرۆڤه‌کان ئازاد و خاوه‌ن هه‌ڵبژارده‌ بن‌ و جیاوازییه‌کان بوونیان هه‌بێت:

 (وما كان الناس إلا أمە واحدە فاختلفوا ولولا كلمە سبقت من ربك لقچی بینهم فیما فیه یختلفون) (یونس: ١٩)

 
واتە ئه‌گه‌ر ئه‌و که‌لیمه‌یه‌ نه‌بوایه‌ که‌ خودا پیشتر بڕیاری لێ‌داوه‌ (ولولا كلمە سبقت من ربك)؛ ئه‌وا خودا ڕێگای به‌جیاوازیه‌کان نه‌ده‌دا، واتە خودا خۆی بڕیاری لەئازادیی هەڵبژاردن داوە بۆ مرۆڤەکان، ئیتر بۆ هیچ مرۆڤێک نییە زەوتی بکات. بۆیە (د. محمد شحرور) دەڵێت لەدەستوردا پێویستە بڕگەیەک هەبێت بەناوی "هیچ زۆرکارییەک لەدیندا نییە" و مرۆڤەکان ئازادن لەدین و باوەڕی خۆیاندا.

 

هەروەها دەڵێت ئەو ئیدیعایەی هەندێک لەحیزبەکان بەرزیدەکەنەوە بۆ چەسپاندنی شەریعەت لەدەستوردا؛ ئەوە مزایەدەی دینییە و دەیانەوێت بەوهۆیەوە ستەمکاری ئاینی و ئایدیۆلۆجی بسەپێنن و خۆیان بکەنە فەرمانڕەوا بەسەر ملی خەلکەوە بەناوی خودا و دینەوە. باسلەوەشدەکات کە زۆربەی وڵاتانی جیهان دەستور و کاروباری وڵاتیان بەپێی ئەو "صیراگی موستەقیم"ـەیە کە لەقورئاندا هاتووە: دەڵێت لەقورئاندا تەنها چواردە سەوابت و حەرامکراو هەیە، هیچ وڵاتێک یاسای دانەناوە بۆئەوەی دژایەتی ئەو چواردە سەوابت و  حەرامکراوە بکات.

 

"چواردە حەرامەکە" ی قورئان؛ بەهای مرۆیی جیهانین و پێویستییان بەدەوڵەت نییە:

ناوبراو دەڵێت لەقورئاندا هاتووە کە بنه‌ماکانی "صیراگی موستەقیم" و سەوابتی دین لەدنیادایە، خۆ دورخستنەوەیە لەچواردە حەرامکراو، دەپرسێت "لە چ وڵاتێکدا بەیاسا داواکراوه‌ لەخەڵکی کە ئەم حەرامکراوانە پێشێلبکەن؟!".. چوارە حەرامکراو و سەوابتەکانی دین ئەمانەن:

 

" قل تعالوا أتل ما حرم ربكم علیكم:..." (سورە اڵانعام: 151–153)

1-  الا تشركوا به شیئا

دانه‌نانی هاوبه‌ش بۆ خودا، واتە دانانی هاوبەش بۆ خودا حەرامە.

 

2-  وبالوالدین احسانا

چاکه‌کاری له‌گه‌ل دایک و باوک، واته‌ خراپبوون لەگەڵ دایکوباوک حه‌رامه‌.

 

٣- ولا تقتلوا أولادكم من إملاق نحن نرزقكم وإیاهم

نه‌کوشتنی مناڵ، واتە کوشتنی مندال حەرامە.

 

٤- ولا تقربوا الفواحش ما ڤهر منها وما بگن

ئه‌نجامنه‌دانی فاحیشه‌، چونکە فاحیشە حەرامە، فاحیشەی ئاشکرا لەناو کۆمەڵدا، کە چوارکەس بیبینێت، لەقورئاندا ناونراوە بەزینا، بەڵام ئەگەر لەناو کۆمەڵدا نەبێت و خەلک نەیبینیت و پێی نەزانێت ناوی فاحیشەی شاراوەیە.

 

٥- ولا تقتلوا النفس التی حرم الله إلا بالحق ژلكم وصاكم به لعلكم تعقلون

نه‌کوشتنی هه‌ر نه‌فسێک که‌ هه‌ناسه‌ بدات، ته‌نها ئه‌وانه‌ نه‌بێت که‌ به ‌حه‌ق هاتووه‌ له‌ قورئاندا که‌ بریتین له‌و نەفسانەی کە مرۆڤ به‌کاری دێنێت بۆ خواردن، وەک ماسی و مه‌ڕ و ماڵات.

 

٦- ولا تقربوا مال الیتیم إلا بالتی هی أحسن حتی یبلغ أشده

چاکه‌کاری له‌گه‌ڵ بێ ‌باوکان، واتە نزیککەوتنەوە لەماڵیان بەخراپە حەرامە.

 

٧- وأوفوا الكیل والمیزان بالقسگ لا نكلف نفسا إلا وسعها

ئەنجامدانی کێشانە و پێوانە و کوالیتیی کار و ئه‌ندازه‌گیری به‌باشترین شێوه‌، واتە خراپەکاری لەم بوارەدا حەرامە

 

٨- وإژا قلتم فاعدلوا ولو كان ژا قربی

له‌ کاتی قسه‌دا دادپه‌روه‌ری ئەگەر لەسەر کەسە نزیکەکانیشتان بوو، واتە ناعەدالەتی لەقسەدا حەرامە.

 

٩- وبعهد الله أوفوا ژلكم وصاكم به لعلكم تژكرون

پابه‌ندبوون به‌ئێتیک و په‌یمانه‌کانی کار، کە بەناوی خودا سوێندی لەسەر دەخورێت، وه‌ک ئێتیک و په‌یمانی کاری توێژە جیاجیاکان: پەرلەمانتاران، بەرپرسان، ڕۆژنامەنوسان، پزیشکان، توێژەران.... که‌ دەیدەن و واژۆی دەکەن و سوێندی لەسەر دەخۆن بەوەی کە بەدڵسۆزی کارەکانیان بکەن و خیانەت لەکارەکانیاندا نەکەن، واتە پابەندنەبوون بەپەیمانەکان حەرامە.

 

١٠- حەرامکراوەکانی هاوسەرگیری کە لەئایەتەکانی ٢٣ و ٢٤ی سورەتی نیسائدا باسکراون.

حُرِّمَتْ عَڵیْكُمْ أُمَّهَاتُكُمْ ۆبَنَاتُكُمْ ۆأَخَۆاتُكُمْ ۆعَمَّاتُكُمْ ۆخَاڵاتُكُمْ ۆبَنَاتُ اڵاَخِ ۆبَنَاتُ اڵاُخْتِ ۆأُمَّهَاتُكُمُ اللاَّتِی أَرْچَعْنَكُمْ ۆأَخَۆاتُكُم مِّنَ الرَّچَاعَەِ ۆأُمَّهَاتُ نِسَێ‌ئِكُمْ ۆرَبَائِبُكُمُ اللاَّتِی فِی حُجُوڕكُم مِّن نِّسَێ‌ئِكُمُ اللاَّتِی.... (النسا‌و 23 – 24)

 

١١- حەرامکراوەکانی پەیوەست بەخواردن، کە لەئایەتی ٣ ی مائیدەدا باسکراون.

حُرِّمَتْ عَڵیْكُمُ الْمَیْتَەُ ۆالْدَّمُ ۆڵحْمُ الْخِنْزِیڕ ۆمَا أُهِلَّ لِغَیْڕ اللّهِ بِهِ ۆالْمُنْخَنِقَەُ ۆالْمَوْقُوژَەُ ۆالْمُتَرَدِّێەُ ۆالنَّگِیحَەُ ۆمَا أَكَڵ السَّبُعُ إِلاَّ مَا ژَكَّیْتُمْ ۆمَا ژُبِحَ عَڵی النُّصُبِ ۆأَن تَسْتَقْسِمُواْ بِاڵاَزْڵامِ.. (سورە المائدە 3)

 

١٢- حەرامی ریبا، كە مەرجی "ئه‌چعاف موچاعه‌فه" ‌ی بۆ دانراوه.‌

ۆأَحَلَّ اللّهُ الْبَیْعَ ۆحَرَّمَ الرِّبَا.... (البقرە 275)

 

١٣- حەرامکردنی تاوان و دەستدرێژی.

قُلْ إِنَّمَا حَرَّمَ رَبِّێ الْفَۆاحِشَ مَا ڤَهَرَ مِنْهَا ۆمَا بَگَنَ ۆالإِپْمَ ۆالْبَغْێ بِغَیْڕ الْحَقِّ... (اڵاعراف 33)

 

١٤- حەرامکردنی لێدوان و قسەکردن بەناوی خوداوە و دین زیادکردن لەسەر خەلک و خۆکردن بەوەکیلی خودا.

قُلْ إِنَّمَا حَرَّمَ رَبِّێ....ۆأَن تَقُولُواْ عَڵی اللّهِ مَا ڵا تَعْڵمُونَ (اڵاعراف 33)

 

د. محمد شحرور، دەڵێت "صیراگی موستەقیم" پردێک نییە لەو دنیا بەسەر جەهەننەمدا بۆ پەڕینەوە بۆ بەهەشت، بەڵکو بریتییە لەپابەندبوون بەو چواردە بنەمایە، کە بریتین لەبەهای مرۆیی و سەوابتی دینین، هەروەها دەڵێت ئایا چ وڵاتێک لەجیهاندا بەیاسا پێشێلی ئەو سەوابت و حەرامکراوانە کراوە؟

 

هەروەها ئاماژەبەوەدەکات، کە ئەگەر وڵاتێکی وەک بەریتانیا بەیاسا رێگەیداوە بەهاوسەرگیریی نێوان هاوڕەگەزەکان، کە ئەوە پێشێلی "حدود"ێکی خودایە؛ ئەوا وڵاتانی وەک سعودیە و ئێران و خەلیفەکان لەسەردەمی خۆیاندا بەسەدان و هەزاران پێشێلکارییان کردووە لەسەر مافی خودا و بەسەدان و هەزاران لێدوانیان داوە بەناوی دین و خوداوە و شتیان لەخەڵکی حەرامکردووە، لەکاتێکدا کە لەقورئاندا حەرامکراوەکان تەنها چواردە دانەیە.

 

دەڵێت پابەندبوون بەو چواردە بنەما حەرامکراوەوە؛ پێویستی بەدەوڵەت و پۆلیس و دەزگای تەنفیزی نییە، چونکە هەرکات دەسەڵات و دەوڵەت خەڵکی ناچارکرد بەپابەندبوون بەدینەوە؛ ئەوا تایبەتمەندیی دین لەدەستدەچێت، کە وابەستەیە بەبنەمای (لا إکراه)، پابەندیی ئارەزوومەندانە و دەسەڵاتی زەمیری تاکەکەس، نەک دەسەڵاتی مرۆڤیتر.

 

هەروەها دەڵێت لەهەر وڵاتێکدا ئازادیی ژیان و هەڵبژاردن بۆ مرۆڤەکان دەستەبەرکرابێت؛ ئەوا لەو وڵاتەدا کەلیمەی خودا لەسەرەوەیە، چونکە ئازادیی هەڵبژاردن بریتییە لەکەلیمەی خودا، و لەهەر وڵاتێکیشدا خەڵک بەزۆر حیجابی پێ‌کرا یان ناچارکرا بەجۆرە باوەڕو ڕەفتارێک؛ ئەوا کەلیمەی خودا لەو وڵاتەدا لەژێرەوەیە.

 

د. محمد شحرور، ئاماژەبەوەدەکات کە پەرلەمانەکانی جیهان کاتێک سزای کوشتن دەگۆڕن بۆ زیندانی؛ ئەوا پێشێلی سنورێک لەسنورەکانی خودایان نەکردووە، چونکە ئەو سنور و سزایانەی لەقورئاندا هاتوون؛ حدودین، نوسراون (تِلْكَ حُدُودُ اللهِ فَڵا تَعْتَدُوهَا)، واتە دوا سنوری سزاکەیە، داواکراوە کە نەبەزێدرێت و تەجاوزی نەکرێت و زیاترنەکرێت، واتە دەکرێت لەو سنور و سزایە کەمتر بەکاربهێنرێت، بەڵام ناکرێت تەجاوزبکرێت.

 

دەڵێت: ئەو چواردە حەرامكراوە و بەها باڵاكانی مرۆڤایەتی كە دین داوای دەكات، بەشێوەی سروشتی لەناو ژیانی مرۆڤەكان و لەدەوڵەتەکاندایە، چونکە دینی "فیگرەت"ی مرۆڤە و گونجاوە لەگەڵیدا، زۆربەی خەڵکی سەر زەوی کێشەیان نییە لەگەڵ ئەو چواردە حەرامکراوەدا، بۆیە پێویستناکات لەدەستور و یاسادا بنوسرێت دین پەیڕەوبکەن، لەبەرئەوەی وڵاتان کار دەکەن لەسەر:

 

یەکەم، دابینکردنی ئازادیی هەڵبژاردن، کە ئەوە وشەی خودایە لەسەر زەویدا.

دووەم، بەجێهێشتنی پابەندبوون بەدین و حەرامکراوەکان و شەعائیرەکانی دین بۆ دەسەڵاتی زەمیری تاکەکان خۆیان بەویستی خۆیان.

 

د. محمد شحرور دەڵێت: حەقیقەتە بابەتی و موتڵەقەکان لەدەرەوەی مرۆڤن و مرۆڤ تێگەیشتنی نیسبیی هەیە بۆیان و بەگوێرەی کات و زەمان دەگۆڕێت بەهۆی پێشکەوتن و بەرزبوونەوەی ئاستی زانیارییەکان.

 

وەکچۆن بوون و مادە و پێکهاتەکانی گەردوون؛ حەقیقەتی بابەتین لەدەرەوەی مرۆڤ، و تێگەیشتنی ئێمە بۆیان نیسبییە و دەگۆڕێت بەئاڕاستەی کامڵ‌بوون بەتێپەڕبوونی کات و گەشەکردنی هۆکارەکانی زانیاری، بەهەمانشێوە قورئانیش حەقیقەتێکی بابەتییە لەدەرەوەی مرۆڤ، و تێگەیشتنی ئێمە بۆی نیسبییە، وەکچۆن مرۆڤایەتی بەردەوام زانیاری خۆی نوێدەکاتەوە بۆ تێگەیشتن لەبوون و پێکهاتەکانی و وابەستەی لێکدانەوەی پێشخۆی نابێت و تەجاوزیدەکات، بەهەمانشێوە، لێکدانەوەی مرۆڤەکانی پێشوو بۆ قورئان و كتیبەكانی حەدیس و فەتوا و فیقهـ و توراسی ئیسلام، هیچی مولزیم نییە بۆ مرۆڤی ئێستا و دەبێت تەجاوزبکرێت (تێپەڕێنرێت)، و لەسەر بنەمای زانیاریی ئێستا خوێندنەوە بۆ قورئان بكرێت.

 

هەروەها دەڵێت: هەرلەبەرئەوە پێغەمبەر کتێبی بۆ تەفسیر و حەدیسەکانی نەنووسیوە، چونکە دەیزانی ئەگەر وای بکردایە؛ ئەوا خەڵکی پابەندی كتێبێكی سنوردارو نیسبی دەبوون لەدانراوی مرۆڤ، لەکاتێکدا هیچ مرۆڤێک ناتوانێت وەک خودا کتێبێک دابنێت بۆ هەموو کات و شوێنێک بشێت تا رۆژی قیامەت، چونكە توانا و زانیارییەكانی مرۆڤ وەك خودا بێسنور نییە، بەڵكو نیسبی و سنوردارە و بۆ ئەوە ناشێت كتێبی پێ دابنرێت كه بۆ هەموو كات و شوێنێك بشێت تا قیامەت.

 

دەڵێت هەموو ئایەتەکانی پەیوەست بەجیهاد و قیتال لەقورئاندا؛ پەیوەستن بەزەمەنی پێغەمبەر وەک "نەبی"، واتە پێغەمبەر لەکاتی ژیاندا، نەک بۆ ئێمەی مرۆڤی ئیستا، چونکە لەقورئاندا داواکراوە ئێمە شوێن ناونیشانی "رسول" ی پێغەمبەر بکەوین، نەک ناونیشانی "نبی"، دەڵێت سەرجەم ئەو ئایەتانە هەمووی لەچوارچێوەی چیرۆکەکانی "قصص" ی "نەبی" (موحەممەد)ە بۆ ئێمە، نەک "ریسالە"ی "رەسول" و "تەشریعی دین" بن بۆمان.

 

هەروەها باسلەوەشدەکات کە ئایەتەکانی قیتال لەقورئاندا بۆ سەپاندنی خوداپەرستی و بڵاوکردنەوەی دین نەبووە، بەڵکو بۆ نه‌هێشتنی ستەمکاری بووە، کە قورەیش ستەمیانکرد لەپێغەمبەر، لەمەککە دەریان‌کرد لەسەر هەڵبژاردنی ئازادانەی بیروباوەڕ.

 

دەڵێت بنەمای ئایەتەکانی قیتال پەیوەستبووە بەم ئایەتەوە: "فَإِنِ انْتَهَوْا فَڵا عُدْۆانَ إِلَّا عَڵی الڤَّالِمِینَ" (البقرە: 193)، واته‌ ئه‌گه‌ر ده‌ستیانهه‌ڵگرت له‌سه‌ر (قیتال، ده‌رکردن، چه‌وساندنه‌وه‌ له‌سه‌ر باوه‌ڕ)؛ ئه‌وا ئێوه‌ش وازبهێنن له‌ وه‌ڵامدانه‌وه‌یان، وه‌ڵامدانه‌وه‌تان نه‌بێت بۆ که‌س، کارتان به‌سه‌ر که‌س نه‌بێت، ته‌نها ئه‌وانه‌ نه‌بێت که‌ سته‌مکار و زۆردارن.

 

بنەماکانی دەستورێک بەبێ زۆرکاری و ستەمکاری ئایینی-سیاسی:

لە ئەنجامی لێکۆڵینەوەکەدا (د. محمد شحرور) بنەماکانی دەستورێک دادەنێت کە بریتی بێت لە:

- دەستورێکی مەدەنی دیموکراتی لیبڕالی تەعەدودی. و ئازادیی بیرورا.

- هیچ زۆرکاری و تەدەخولی نەبێت بۆ کاروباری شەخسیی مرۆڤەکان وەک دین.

- رێز لەهەموو مرۆڤەکان بگرێت بێ هیچ جیاوازییەک، و کاربکات بۆ دابینکردنی ژیان و بۆ ئازادیی هەڵبژاردن و ماف بۆ هاوڵاتییەکانی چ باوەڕدار بن یان بێ‌باوەڕ.

- ڕێگری‌کردن لەسەرهەڵدانی سێ ستەمکاری، کە لەقورئاندا وەک دیاردە ئاماژەیان پێ‌کراوە:

یەکەم: ستەمکاریی سیاسی، کە لەقورئاندا بە"فیرعەون" ئاماژەی پێ‌کراوە، کە کورسیی حوکم داگیردەکات و دەڵێت موڵک و ماڵ و ژیانی خەڵکی هی منە و بەویست و ئارەزووی تەحەکومی تێدا دەکات.

دووەم: ستەمکاریی دینی، کە لەقورئاندا بە"هامان" ئاماژەی پێ‌کراوە، کە دین لەسەر خەڵک زیاددەکەن و خۆیان دەکەن بەوەکیلی خودا و خەڵک دەسەمۆدەکەن بۆ دەسەڵاتی سیاسی و هالەی تەقدیس لەدەوری دەسەڵاتی سیاسی دروستدەکەن و بەوەلی ئەمر ناویان دەهێنن.

سێیەم: ستەمکاریی ئابوری، کە لەقورئاندا بە"قارون" ئاماژەی پێ‌کراوە، کە کاردەکات لەسەر کوشتنی ئابوریی خەلکی و ئیحتیکارکردنی.

 

جیاوازیی دین و دەسەڵات:

د. محمد شحرور، جیاوازیی نێوان دین و دەسەڵات بەم خاڵانە دەکات:

- پابەندبوون بەدین ئارەزومەندانەیە و وابەستەیە بەدەسەڵاتی زەمیری تاکەکەس، بەڵام دەسەڵات پابەندبوون پێوەی ئیلزامییە بۆ ڕێکخستنی کۆمەڵگا.

- دین بەشێوەیەکی ئارەزوومەندانە دەچێتەناو ژیانی تایبەتی کەسە دیندارەکانەوە، بەڵام دەسەڵات تەدەخول ناکات لەژیانی تایبەتیی کەسەکان.

- دین زۆرکاریی تیدا نییە و هەڵگری ئامڕازەکانی زۆرکاری نییە، بەڵام دەسەڵات پێویستە ئامڕازەکانی زۆرکاریی هەبیت وەک پۆلیس و ئەمن و یاسا و سزادان بۆ ڕێکخستن و پارستنی کۆمەڵگا.

- دین "مەنع" ناکات تەنها "حەڵال و حەرام" دەکات و مرۆڤ ئازاددەکات بەوەی کە پابەنددەبێت یان نا، بەڵام دەسەڵات "حەرام"کردن ناکات، بەڵکو "ئەمر" و "نەهی" و "مەنع" دەکات لەپێناو ڕێکخستنی کۆمەڵگا.

- دین حەڵاڵ‌کراوەکان کۆتناکات، بەڵام دەسەڵات حەڵاڵ‌کراوەکان ڕێک‌دەخات بەپێی پێداویستی کۆمەڵگا.

- دین مرۆڤ دەبات بۆ خۆشبەختیی دنیا و دواڕۆژ، بەڵام دەسەڵات تەنها گرنگی دەدات بەخۆشبەختی و مافی هەلبژاردنی ئازادانە بۆ مرۆڤەکان و ڕێکخستنی ژیانی دنیا.

 

دەڵێت ئەگەر سنوری دین و دەولەت تێکەڵبن؛ ئەوا ژیان تێک‌دەچێت و ستەمکاریی سیاسی-دینی دروستدەبێت، کە مەترسیدارترین جۆری ستەمکارییەکانە.

 

بەکارهێنانەکانی دین بۆ دەسەڵات:

د. محمد شحرور، باسلەوەشدەکات کە پەیوەست بەدەسەڵات، دووجۆر بەکارهێنانی دین هەیە:

 

یەکەم: ئیسلامی سەلەفی و صۆفی، دین دەکەنە ئامڕازو بەکاریدێنن بۆ پاراستنی دەسەڵات و درووستکردنی هالەی تەقدیس بەدەوریدا و کردنی بە "وەلی ئەمر"، هاوکات بەمەڕ و مێگەل‌کردنی خەڵکی بۆ دەسەڵات، تا دەسەڵات بتوانێت بەڕۆژی رووناک ماڵ و سامانیان بدزێت و جەلد و فەلاقەیان بکات.. خەڵکی ئەوەی لەسەریانە گوێڕایەڵی و سەبرگرتنە،  بەدرێژایی دەسەڵاتی خەلیفەکان کۆمەڵێک موفتی و هامان ئەوە کاریان بووە، ئیستاش ئیسلامی سەلەفی هەر ئەو کارە دووبارەدەکاتەوە.

 

دووەم: ئیسلامی سیاسی، دین دەکەنە ئامڕازو بەکاریدێنن بۆئەوەی بگەنە کورسیی دەسەڵات، تا لەو ڕێیەوە ببن فەرمانڕەوا و وەکیلی خودا بەسەر خەلکەوە بەناوی دین و خودا و بەپاساوی ناردن و "سەوق"کردنی خەڵکی بۆ بەهەشت.

 

بێگومان ئەم کورتە وتارە ناتوانێت حەقی خۆی بدات بەکتێبەکە، هیوادارم ئەو کەسانەی دەیانەوێت لەپەیوەندیی نێوان دین و دەسەڵات تێ‌بگەن و ئەوانەی لەخەمی دەستور و داهاتووی کوردستاندان؛ سوود لەو کتێبە وەربگرن، کە دەتوانن لە گۆگڵ دایبگرن.

هادی ئەمین ـ توێژەری کۆمەڵایەتی

ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.

تێبینی : بۆنەکان بەرپرس نییە لە ناوەڕۆکی هیچ گوتارێک ، تەنها خاوەنی نوسەری گوتارەکە بەرپرسە

 

ئامادەبووانى ئێستا 17 میوان لەسەرهێڵن

گوتار

خواردن

ڕۆژمێر

« April 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
05-11-2015
ئاگاداری ئه‌م گۆڕانكارییه‌ نوێیه‌ی فه‌یسبوك به‌
ئاگاداری ئه‌م گۆڕانكارییه‌ نوێیه‌ی فه‌یسبوك به‌

كۆمپانیای فه‌یسبوك له‌ماوه‌ی چه‌ند رۆژی كه‌می داهاتوودا گۆڕانكارییه‌ك له‌به‌ربڵاوترین تۆڕی كۆمه‌ڵایه‌تیدا ده‌كات.

درێژەی بابەت
12-08-2015
مردنی هاولاتیان بە هۆی دەست و خەتی پزیشكان بەردەوامە
مردنی هاولاتیان بە هۆی دەست و خەتی پزیشكان بەردەوامە

زانایان لە لێكۆڵینەوەیەك ئەوەیان خستەڕوو كە ساڵانە ژماریەكی زۆر لە خەڵكی بەهۆی ئەو ئەو نوسینانەوە دەمرن كە پزیشكەكان بە هەڵە دەرمان بۆ نەخۆشەكان دەنووسن.

درێژەی بابەت
12-04-2015
ئه‌وه‌ی له‌باره‌ی ئه‌ندامی نێرینه‌وه‌ نه‌تزانیوه‌
ئه‌وه‌ی له‌باره‌ی ئه‌ندامی نێرینه‌وه‌ نه‌تزانیوه‌

ئه‌ندامی نێرینه‌ی پیاوان كه‌ پێی ده‌وترێت چوك، یه‌كێكه‌ له‌هه‌ستیارترین ئه‌ندامه‌كانی له‌ش، ئه‌مانه‌ی خواره‌وه‌ چه‌ند زانیارییه‌كن سه‌باره‌ت به‌و ئه‌ندامه‌:

درێژەی بابەت
24-03-2015
دیاریكردنی ڕەگەزی كۆرپە چۆن ده‌بێ؟
دیاریكردنی ڕەگەزی كۆرپە چۆن ده‌بێ؟

بەهۆی پێشكەوتنی زانست و بەش و لقەكانی بەتایبەت لە بواری پزیشكی، دایكان و باوكان دەتوانن بە جێبەجێكردنی چەند بەرنامەیەكی تەندروستی ڕەگەزی كۆرپەكانیان دیاریبكەن،

درێژەی بابەت
22-03-2015
ئەو هۆكارانە چین كە دەبێتە هۆی سەر ئێشە لە كاتی سیكس
ئەو هۆكارانە چین كە دەبێتە هۆی سەر ئێشە لە كاتی سیكس

پزیشكان لە توێژینەوەیەكیاندا بۆیان دەركەوتووە، پیاوان لە كاتی سێكس كردنیاندا، یان لە دوای پەیوەندیی سێكسی، 3 تا 4 جار لە ئافرەتان زیاتر تووشی سەرئێشە دەبن.

درێژەی بابەت
01-03-2015
نه‌شته‌رگه‌ریی چاندنی سه‌ری مرۆڤ به‌ڕێوه‌یه‌
نه‌شته‌رگه‌ریی چاندنی سه‌ری مرۆڤ به‌ڕێوه‌یه‌

پزیشكی نه‌شته‌رگه‌ری ئیتاڵی سێرجیۆ كاناڤێرۆ رایگه‌یاند، ده‌كرێت له‌ماوه‌ی دوو ساڵی داهاتوودا نه‌شته‌رگه‌ریی چاندنی سه‌ری مرۆڤ ئه‌نجامبدرێت.

درێژەی بابەت
Homeگوتارقورئان داوای دەستورێکی لیبڕالی مەدەنی دەکات

هەمەڕەنک

هونەری

ئێمە لە فەیسبووک

Zo2 Framework Settings

Select one of sample color schemes

Google Font

Menu Font
Body Font
Heading Font

Body

Background Color
Text Color
Link Color
Background Image

Top Wrapper

Background Color
Modules Title
Text Color
Link Color
Background Image

Header Wrapper

Background Color
Modules Title
Text Color
Link Color
Background Image

Mainmenu Wrapper

Background Color
Modules Title
Text Color
Link Color
Background Image

Slider Wrapper

Background Color
Modules Title
Text Color
Link Color
Background Image

Scroller Wrapper

Background Color
Modules Title
Text Color
Link Color
Background Image

Mainframe Wrapper

Background Color
Modules Title
Text Color
Link Color
Background Image

Bottom Scroller Wrapper

Background Color
Modules Title
Text Color
Link Color
Background Image

Bottom Scroller Wrapper

Background Color
Modules Title
Text Color
Link Color
Background Image

Bottom Menu Wrapper

Background Color
Modules Title
Text Color
Link Color
Background Image

Bottom Wrapper

Background Color
Modules Title
Text Color
Link Color
Background Image
Background Color
Modules Title
Text Color
Link Color
Background Image